【影片】治言齋學堂（11/1）臺語發音學：變調
先生講著臺灣話音韻入門第三課：「變調」。 其實「變調」是俗稱，變調毋是本調變來的，是連讀調（sandhi form，若以歷史語言學來講，連讀閣較古），抑若咱一般講的本調是「單字調」，就是孤一字，後壁無接物件的時陣的聲調。 先生以三度制標音法標示聲調。佇三度制內底，1=低、2=中、3=高。0是休止符的意思，用來表示入聲這種窒起來的音。
治言齋學堂歡迎欲做研究的、學興趣的學生佮社會人士做伙來探討語言學佮吟詩相褒的藝術。 報名表單：https://forms.gle/jucvX63HhGmYLc7t7 時間：隔週上課，一擺三點鐘 訂禮拜下晡兩點到五點（節日順延） 地點：現場、線頂同時進行 教學方式：
- 先生課前提供教材，學生研讀
- 學生以臺語報告讀冊心得、互相討論
- 教學媒介基本上用臺語、臺文，專有名詞兼用中文、英文、日文